صفوت عبدالعظيم يكتب: رسائل السيسي للشعب(نحن ٠٠هنا)

 ماحدث أمس داخل الأكاديمية العسكرية خلال حضور السيد الرئيس عبدالفتاح السيسي كشف الهئية للطلبة المتقدمين ل الاختبارات للكليات العسكرية ليس  مجرد زيارة بروتوكولية

عادية أو شو إعلامي ولا لقطةتصوير الى حصل كان درساً ورسائل عديدة ودولة كاملة تقول للرأي العام وللناس (نحن  هنا)
نحن نسعي دائماً الي أن نكون في المقدمة نحن  نعمل بجهد وعرق حتي نكون في مصاف الدول الكبرى المتقدمة 
وقدم الرئيس السيسي أمس من داخل الاكاديمية العسكرية حديث مصارحة وود وطمأنينة ٠
أمس الرئيس السيسي دخل إختبارات كشف الهيئة بنفسه وشاف الطلبةوتحدث معهم وتابع كل تفصيلة وكأنه بيقول للبلد جيشنا هذا لابد أن يظل المؤسسة  الاقوي والاكبر في مصر لا مجاملات لا وسايط لا محسوبية ومن يدخل الي هذا المكان  يدخل بعرقه وقدرته فقط لهذا أصبحت الأكاديمية مميكنة بالكامل
عدالة كاملة 
٠٠شفافية كاملة

السيسي وقف أمام الطلبة وقال كلام لايمكن  لرئيس  أن يقوله بهذاالشكل  ولا بهذه القوة
فتحدث عن الاقتصاد وعن الديون وعن الاحتياطي وعن الشغل وعن الذكاء الاصطناعي وعن التعليم وحتى عن مشاكل الشارع٠
كان  حديث صريح… وواضح… ويخاطب فيه عقول وليس كاميرات تصوير ٠

والجملة اللي عملت دوشةوقلق 
عندما سئل الرئيس عن التصويت في إنتخابات مجلس النواب
وأجاب
“أيوة… عملت فيتو… وفيه حاجات ماعجبتنيش”
دي كلمة رئيس ليس  بباحث عن رضا أحد فهذا رئيس بيحافظ على شكل دولته ويضع خط أحمر  وبيفكر الناس إن اللي حصل قبل 2011 لن ولم يتكرر مرة أخرى 
وإن بلدنا مصر لن تعود للخلف ولن  ترجع للوراء وتتلخبط مره أخرى٠ 

تحدث أيضا عن كلية الطب العسكري
وقال إن الخريجين هيبقوا في مستوى أحسن جامعات العالم
تعليم مميكن
تدريب متطور
مناهج عالمية
وحوكمة كاملة
وطمئن الأهالي وقالهم
ولادكم في أيد أمينة

وفي الحوار مع الطلبة
تحدث عن الزراعة
وقال إن 2026 هتشهد دخول أربعة ونص مليون فدان جدد للإنتاج وهو رقم يغير شكل مصر
وإن فكرة الاكتفاء الذاتي الكامل مش واقعية
بس نقدر نقلل الاستيراد
ونعقل الاستهلاك
ونتحرك لقدّام صح

وتحدث أيضا عن مشروع مهم جدا  وهو مشروع الضبعة النووي وقال إن المحطة هتنتج 4.8 جيجاوات كهربا
غير الطب النووي
غير الأبحاث
غير القفزة العلمية اللي هتحصل في البلد

وأكتر جزء بيكشف إتجاه الدولة الحقيقي
لما تحدث عن الأئمة اللي هيدرسوا في الأكاديمية
دراسة عشر ساعات في اليوم
أكتر من الدكتوراه نفسها
والرئيس قال
عايزين علماء مستنيرين
عقول منورة
تفهم الدين بوعي
وتحافظ على حرية الناس
وتحارب التخلف والتطرف من جذوره
وده كلام رئيس فاهم قيمة الكلمة وقد إيه بتبني أو تهد

وفي القضايا الإقليمية
السيسي قالها بمنتهى الوضوح
مصر سعت لإيقاف الحرب في غزة
ومصر خسرت ٨ مليار دولار من قناة السويس بسبب الهجمات في البحر الأحمر
وبرغم دا
البلد لسه واقفة
ولسه بتشتغل
ولسه بتحارب على كل جبهة عشان تستمر

وفي آخر اللقاء
وجه رسالة طمأنة
وقال
تماسك المصريين ده توفيق من ربنا
وكأنه بيقول
طول ما إحنا واقفين سوا
محدش يقدر علينا
ولا حد يدخل بينا
ولا حد يوقعنا

دا مش بيان رئاسي
ولا فقرة أخبار
ده رسالة دولة
ورسالة قوة
ورسالة طمأنة